കേരള ലളിതകലാ അക്കാദമിയുടെ കലാവിദ്യാര്‍ത്ഥികള്‍ക്കുള്ള കെ. കരുണാകരന്‍ സ്‌മാരക സ്‌കോളര്‍ഷിപ്പ്‌ പ്രഖ്യാപിച്ചു

കേരള ലളിതകലാ അക്കാദമിയുടെ 2015 -2016 വര്‍ഷത്തെ കലാവിദ്യാര്‍ത്ഥികള്‍ക്കുള്ള കെ.കരുണാകരന്‍ സ്‌മാരക സ്‌കോളര്‍ഷിപ്പുകള്‍ പ്രഖ്യാപിച്ചു.
എം.എഫ്‌.എ/എം.വി.എ. വിദ്യാര്‍ത്ഥികളായ അനന്തു എ., വിഷ്‌ണു വി.ആര്‍., റിന്‍ഷ എം., ആകാശ്‌ വിനായക്‌ ടി.ഡി., ശ്രുതി എസ്‌. കുമാര്‍ (അഞ്ചുപേരും ആര്‍.എല്‍.വി. കോളേജ്‌ ഓഫ്‌ മ്യൂസിക്‌ ആന്റ്‌ ഫൈന്‍ ആര്‍ട്‌സ്‌, തൃപ്പൂണിത്തുറ) എന്നിവര്‍ക്കും. ബി.എഫ്‌.എ/ ബി.വി.എ. വിദ്യാര്‍ത്ഥികളായ മിഥുന്‍ രാജ്‌ (രാജാരവിവര്‍മ്മ കോളേജ്‌ ഓഫ്‌ ഫൈന്‍ ആര്‍ട്‌സ്‌ മാവേലിക്കര), പാര്‍വ്വതി എസ്‌. നായര്‍ (ഗവണ്‍മെന്റ്‌ ഫൈന്‍ ആര്‍ട്‌സ്‌ കോളേജ്‌, തിരുവനന്തപുരം), അനില്‍ തങ്കപ്പന്‍ (ആര്‍.എല്‍.വി. കോളേജ്‌ ഓഫ്‌ മ്യൂസിക്‌ ആന്റ്‌ ഫൈന്‍ ആര്‍ട്‌സ്‌, തൃപ്പൂണിത്തുറ), ബിബിന്‍ തോമസ്‌ (ഗവണ്‍മെന്റ്‌ ഫൈന്‍ ആര്‍ട്‌സ്‌ കോളേജ്‌, തൃശ്ശൂര്‍), സംഗീത്‌ വട്ടോളിപ്പുരക്കല്‍ (ശ്രീ ശങ്കരാചാര്യ സംസ്‌കൃത യൂണിവേഴ്‌സിറ്റി, കാലടി) എന്നിവര്‍ക്കും ലഭിച്ചു.
എം.എഫ്‌.എ/എം.വി.എ. വിദ്യാര്‍ത്ഥികള്‍ക്ക്‌ 6000/-രൂപ വീതവും ബി.എഫ്‌.എ./ബി.വി.എ വിദ്യാര്‍ത്ഥികള്‍ക്ക്‌ 5000/-രൂപ വീതവുമാണ്‌ സ്‌കോളര്‍ഷിപ്പ്‌ തുക.കലാപഠനത്തില്‍ മികവുകാട്ടുന്ന വിദ്യാര്‍ത്ഥികള്‍ക്ക്‌ പ്രോത്സാഹനം നല്‍കുക എന്ന ലക്ഷ്യത്തോടെയാണ്‌ മുന്‍ മുഖ്യമന്ത്രിയും ചിത്രകാരനുമായിരുന്ന കെ. കരുണാകരന്റെ സ്‌മരണാര്‍ത്ഥം കേരള ലളിതകലാ അക്കാദമി സ്‌കോളര്‍ഷിപ്പ്‌ ഏര്‍പ്പെടുത്തിയിട്ടുള്ളതെന്ന്‌ അക്കാദമി സെക്രട്ടറി വൈക്കം എം.കെ. ഷിബു അറിയിച്ചു.